له‌ماوه‌ی ڕۆژانی ڕابردوودا، سزای ئێعدامی “شاکر بێهروز”، بەندکراوی سیاسیی خەڵکی ورمێ، لەلایەن لقی یەکی دادگای باڵای ئێرانه‌وه هەڵوەشایەوە و په‌روه‌نده‌كه‌ی بۆ لێكۆڵینه‌وه‌ی زۆرتر گه‌ڕێندرایه‌وه ئەو دادگایەی کە سزاکەی دەرکردبوو.
“شاکر بێهرووز” خەڵکی گوندی “دزەج”ی سه‌ر به ناوچه‌ی مەرگەوەڕ کە ماوەی ٧ مانگ ئەندامی یه‌كێك له حیزبه نه‌یاره‌كانی ڕژیم بووە، دوای جیابوونەوە لەو حیزبە گەڕاوەتەوە بۆ ئێران و ڕۆژی سێشەممە ٢١ی ڕەشەممەی 98ی هه‌تاوی لەلایەن هێزەکانی ئیدارەی ئیتلاعاتی ورمێوه دەستبەسەر و لەلایەن لقی دووی دادگای ئینقلابی ئه‌و شاره‌وه سزای سێدارەی بەسەردا سەپابوو.