به پێی ڕاپۆرته‌كان، له ئه‌نجامی هێرشێكی چه‌كداری بۆ سه‌ر پاسێكی موسافیرهه‌ڵگر له ڕۆژئاوای ئێتیۆپی، لانیكه‌م ٣٤ كه‌س گیانیان له‌ده‌ستدا.
ئه‌م هێرشه له‌كاتێكدا ڕوویداوه كه چه‌ندین ناوچه‌ی ئه‌م وڵاته له‌م دواییانه‌دا بووه‌ته مه‌یدانی توندووتیژییه‌كان له‌دژی كه‌سانی مه‌ده‌نی. هاوكات كۆمیسیۆنی نه‌ته‌وه‌یی مافی مرۆڤی ئێتیۆپی، ڕۆژی یه‌كشه‌ممه له به‌یانییه‌كدا ڕایگه‌یاند: به‌هۆی ئه‌م هێرشه ٣٤ كه‌س گیانیان له‌ده‌ستداوه و ئه‌گه‌ری هه‌یه كه ژماره‌ی قوربانییان بچێته‌سه‌ره‌وه. ئه‌م ناوه‌نده‌ی مافی مرۆڤ هه‌روه‌ها ڕایگه‌یاندووه: كه شه‌وی شه‌ممه له‌سه‌ر یه‌كشه‌ممه چه‌ندین هێرشی دیكه له‌دژی هاووڵاتییانی مه‌ده‌نی له‌م ناوچه‌یه ئه‌نجام دراوه.