ڕۆژی یه‌كشه‌ممه ٣٠ی به‌فرانبار، پۆلیسی توركیا له شاری دیاربه‌كر هێرشی كرده سه‌ر ئه‌نجومه‌نی نووسه‌رانی كورد و وێڕای پشكنینی ساختمانه‌كه، كه‌لووپه‌له‌كانیان تێك دا.
به‌پێی زانیارییه‌كان، پۆلیسی توركیا به كاتی شه‌و و به شێوه‌ی نایاسایی كاتێك هیچ یه‌ك له كارمه‌ندانی ئه‌و ئه‌نجومه‌نه له نێو ساختمانه‌كه‌دا نه‌بوون هێرشیان بردووه و ١٥٠ كتێب و ٥٠٠ ژماره‌ی ڕۆژنامه‌ی كوردیان زه‌وت كردووه. له دوای پشكنینی بینای ئه‌نجومه‌ن، پۆلیسی توركیا ده‌رگای ئه‌و ناوه‌نده‌ی داخستووه و كلیده‌كه‌ی ڕاده‌ستی موختاری گه‌ڕه‌ك كردووه.