شه‌وی یه‌كشه‌مه ٢٠ی مانگی خاكه‌لێوه، په‌هبادێكی نه‌ناسراو هێرشی كرده سه‌ر كۆبوونه‌وه‌ی ئه‌فسه‌رانی ئیتلاعاتی سوریه و فه‌رمانده‌كانی سپای قودس له ده‌مشق و برینداری لێكه‌وته‌وه.
به‌پێی ڕاپۆرته‌كان، په‌هبادێكی نه‌ناسراو شه‌وی ڕابردوو هێرشی كردۆته سه‌ر كۆبوونه‌وه‌ی ئه‌فسه‌رانی ئیتلاعاتی سوریه و فه‌رماندكانی سپای قودس له ویلای “ماهر ئه‌سه‌د” له ناوچه‌ی “یافوور”ی ده‌مشق و زیانه‌كانی هێشتا ئاشكرا نه‌كراوه، به‌ڵام هه‌ندێك له ده‌زگا هه‌واڵنێریه‌كان باس له هه‌بوونی “ئیسماعیل قائانی” فه‌رمانده‌ی سپای قودس له‌و كۆبوونه‌وه و برینداربوونی ده‌كه‌ن.