به‌یانی چوارشه‌ممه ٢٤ی گه‌لاوێژ، هێزه‌كانی سپای پاسداران و ئیداره‌ی سه‌رچاوه سرووشتیه‌كانی زاهیدان هێرشیان كرده سه‌ر دانیشتووانی ناوچه په‌راوێزنشینه‌كانی ئه‌و شاره و چه‌ندین خانوویان ڕووخاند.
به‌ره‌به‌یانی چوارشه‌ممه به‌كرێگیراوانی كۆماری ئیسلامی به بێ ئاگاداركردنه‌وه‌ی پێشوه‌خت هێرشیان كرده سه‌ر دانیشتووانی ناوچه‌ی مه‌نزل ئاب و شارۆچكه‌ی عه‌شایه‌ری زاهیدان و چه‌ندین خانوویان ڕووخاندووه. به وته‌ی چالاكانی به‌لووچ، مه‌ئموورانی ئیداره‌ی سه‌رچاوه سرووشتیه‌كانی زاهیدان وێڕای بڕینه‌وه‌ی چه‌ند دار، له‌گه‌ڵ خاوه‌ن ماڵه‌كان به شه‌ڕ هاتوون و هێزه‌كانی سپای پاسدارنیش چه‌ند كه‌سیان ده‌ستبه‌سه‌ر كردووه.