به‌دوای كۆبوونه‌وه‌ی ئاستانه له قه‌زاقستان، ده‌وڵه‌ته‌كانی توركیا، ئێران و سووریه هێرشه‌كانیان بۆ سه‌ر ده‌یره‌زوور چڕتر كردووه‌ته‌وه و له باكووریشه‌وه توركیا به‌‌رده‌وام ناوچه‌كانی ژێر كۆنتڕۆڵی هێزه‌كانی سووریای دیمۆكراتیك بۆردوومان ده‌كات.
به‌یانی چوارشه‌ممه ده‌وڵه‌تی توركیا له ڕێگه‌ی تۆپخانه‌وه هێرشی كرده سه‌ر ناوچه‌ی شێراوای عه‌فرین و به‌هۆیه‌وه كه‌سێك گیانی له‌ده‌ستدا و كه‌سێكی دیكه‌ش بریندار بوو. هه‌روه‌ها شه‌وی ڕابردوو هێزه‌كانی سه‌ر به ڕژیمی سووریه و كۆماری ئیسلامی هه‌وڵی داگیركردنی پاڵاوگه‌ی شه‌فاحیان دا له ده‌یره‌زوور، به‌ڵام له‌لایه‌ن هێزه‌كانی سووریای دیمۆكراتیكه‌وه به‌رپرچ درانه‌وه و ناچار به پاشه‌كشه بوون.