ڕۆژی سێشه‌ممه ٢٩ی ڕه‌شه‌مه، ئه‌رته‌شی ئیسڕائیل له ڕێگه‌ی فڕۆكه‌ی بێ فڕۆكه‌وان و تۆپخانه‌وه هێرشی كرده سه‌ر چه‌ند ناوچه له باكووری غه‌زه و شاری ڕه‌فه‌ح و به‌هۆیه‌وه ده‌یان كه‌س گیانیان له‌ده‌ست دا، له هێرش بۆ سه‌ر هێزكانی حیزبۆڵڵا له سووریه‌ش پێنج ئه‌ندامی ئه‌و گرووپه و سپای قودس كوژران.
به‌پێی ڕاپۆرته‌كان، له هێرشی ئه‌رته‌شی ئیسڕائیل بۆ سه‌ر شاری ڕه‌فه‌ح، ١٤ كه‌س گیانیان له‌ده‌ستدا و به‌هۆی بۆردوومانی خانوویه‌ك له ناوه‌ندی غه‌زه ١٥ كه‌س كوژران. له‌لایه‌كی دیكه‌وه چه‌ندین ئه‌ندامی حیزبۆڵڵا و سپای قودس له هێرشی مووشه‌كی بۆ سه‌ر بنه‌كانیان له ده‌ورووبه‌ری دیمه‌شق كوژراون و پێنج فه‌رمانده‌ی ئه‌و دوو گرووپه‌ش له هێرشێكی په‌هبادی بۆ سه‌ر ناوچه‌ی مه‌یادین له مه‌رزی عێراق و سووریه له‌ناو براون.