کۆمەڵە_رێكخراوی كوردستانی حیزبی كۆمونیستی ئیران
كوردستانهه‌واڵه‌کان

هۆشداری ڕێكخراوی لێبوردنی نێونه‌ته‌وه‌یی سه‌باره‌ت به‌ ئێعدامی چوار به‌ندكراوی كورد

هۆشداری ڕێكخراوی لێبوردنی نێونه‌ته‌وه‌یی سه‌باره‌ت به‌ ئێعدامی چوار

ڕێكخراوی لێبوردنی نێونه‌ته‌وه‌یی ڕۆژی یه‌كشه‌ممه‌ ١٧ی به‌فرانباری ١٤٠٢، سه‌باره‌ت به‌ ئه‌گه‌ری له‌سێداره‌دانی چوار به‌ندكراوی سیاسی به‌ ناوه‌كانی “پژمان فاتحی”، “وه‌فا ئازه‌ربار”، “محه‌ممه‌ فه‌رامه‌رزی” و “موحسین مه‌زڵووم” هۆشداری به‌ به‌رپرسانی قه‌زایی كۆماری ئیسلامی دا.

له‌ به‌یاننامه‌ی ڕێكخراوی لێبوردنی نێونه‌ته‌وه‌ییدا وێڕای ئاماژه‌ به‌ بێبه‌شكرانی ئه‌و چوار به‌ندكراوه‌ له‌ ده‌ستڕاگه‌یشتن به‌ پارێزه‌ر و چاوپێكه‌وتن له‌گه‌ڵ بنه‌ماڵه‌كانیان، هاتووه‌: ڕه‌وه‌ندی دادگاییكردنی ئه‌و چوار به‌ندكراوه‌ ناداداپه‌روه‌رانه بووه‌ و قازی په‌روه‌نده‌ له‌سه‌ر دانپێدانانی زۆره‌ملێ كه‌ له‌ ژێر ئه‌شكه‌نجه‌ی سه‌ختدا وه‌رگیراوه‌، حوكمی ئێعدامی به‌سه‌ریاندا سه‌پاندووه‌. ئه‌و ڕێكخراوه‌یه‌ خوازیاری ڕاگرتنی حوكمی له‌سێداره‌دانی “پژمان فاتحی”، “وه‌فا ئازه‌ربار”، “محه‌ممه‌ فه‌رامه‌رزی”، “موحسین مه‌زڵووم” و ده‌ستڕاگه‌یشتنیان به پارێزه‌ری سه‌ربه‌خۆ و محاكمه‌یان له‌ دادگایێكی بێلایه‌ن بوو.