ڕێكخراوی لێبۆردنی نێوده‌وڵه‌تی ڕۆژی هه‌ینی ١٣ی ڕێبه‌ندان له به‌یاننامه‌یه‌كدا خوازیای ڕاگرتنی سزای له‌سێداره‌انی “عه‌باس دۆریس” بوو.
“عه‌باس دۆریس” له ناڕازیانی ئه‌شكه‌نجه‌دراوی شۆڕشی خه‌زه‌ڵوه‌ری ٩٨ له به‌نده‌ر ماهشه‌هره كه پاش ڕه‌دبوونه‌وه‌ی داواكارییه‌كه‌ی بۆ پێداچوونه‌وه به حوكمی ئێعدامی، بۆ جارێكی دیكه له‌لایه‌ن دیوانی باڵای وڵاته‌وه به ئێعدام مه‌حكووم كراوه. پارێزه‌رانی عه‌باس هاوكات له‌گه‌ڵ چوونه‌سه‌ره‌وه‌ی ئاماری ئێعدامه‌كان له ئێران، هه‌موو هه‌وڵه‌كانیان خستۆته گڕ بۆ ئه‌وه‌ی ڕێگری له به‌ڕێوه‌چوونی ئه‌و حوكمه نادادپه‌روه‌رانه بگرن، به‌ڵام هێزه‌كانی سپای پاسداران ناوبراویان خستۆته ژێر گوشار و به‌رده‌وام هه‌ڕه‌شه‌ی كوشتن له بنه‌ماڵه‌كه‌ی ده‌كه‌ن.