یه‌ك حه‌فته پاش ده‌ستپێكی مانگرتنی مامۆستایانی كۆلێژی هونه‌ره جوانه‌كانی كرماشان، به‌رپرسانی ئامووزش و په‌روه‌رش و ناوه‌نده ئه‌منیه‌تیه‌كان هه‌ڕه‌شه‌ی ده‌ركردنیان له مانگرتووان كردووه.
به‌پێی زانیارییه‌كان، مامۆستایانی كۆلێژی هونه‌ره جوانه‌كانی كرماشان له یه‌ك حه‌قته له‌وه‌به‌ره‌وه له ناڕه‌زایه‌تی به نه‌دانی حه‌قده‌ست و مه‌زایا دواخراوه‌كانیان، كلاسه‌كانی ده‌رسیان داخستووه و ده‌ستیان له كار كێشاوه. موعه‌لیمانی مانگرتوو هه‌روه‌ها خوازیای چوونه‌سه‌ره‌وه‌ی ٣٠ له سه‌دی ئاستی حه‌قه‌ست و دابینكردنی بیمه و ئه‌منیه‌تی پیشه‌یین و قوتابیانیش بۆ پشتیوانی له موعه‌لیمان په‌یوه‌ست به‌و مانگرتنه بوون و له بیلاته‌كلیفی دا ماونه‌ته‌وه. ئه‌وه له حاڵێكدایه كه به‌رپرسانی ئامووزش و په‌روه‌رشی كرماشان له جیاتی جێبه‌جێكردنی داخوازی موعه‌لیمان، هه‌ڕه‌شه‌ی له‌سه‌ركار ده‌ركردنیان له مامۆستایانی ناڕازی كردووه.