بەپێی ڕاپۆرته‌كان، پێنج هاووڵاتیی بە ناوەکانی “حەسەن قادری ئەقەدەم، ڕێبوار مەلایی، ئەسکەندەر خزری، ئیسماعیل بورهانی و ئەمیر تاژ” خەڵکی شاری پیرانشار، لە کۆتاییەکانی مانگی پووشپەڕی ئەمساڵدا، لە لایەن هێزە ئیتلاعاتییەکانەوە، دەستبەسەر کراون و هەتا ئێستا هیچ زانیارییەک لە مەڕ چارەنووسیان، لە بەردەستدا نییە. هۆکاری دەستبەسەرکرانی ئەم پێنج هاووڵاتییە، ڕانەگەیەندراوە. هه‌ر له‌م پێوه‌نده‌دا، هاووڵاتییەک بە ناوی “ئیدریس کەسرەوی” خەڵکی شاری پیرانشار، چارەنووسی لە زیندانی شاری نەغەدەدا، ناڕوونە. شایانی باسه، ناوبراو له کۆتاییەکانی مانگی جۆزەردان، لە لایەن هێزە ئیتلاعاتییەکانەوە دەستبەسەر و بۆ لێپرسینەوە ڕەوانەی گرتووخانه‌ی ئیتلاعاتی سپا، لە شاری ورمێ، کرا.