به‌پێی ڕاپۆرتی ناوه‌ندكانی مافی مرۆڤ، چاره‌نووسی دوو چالاكی مه‌ده‌نی خه‌ڵكی مه‌ریوان به ناوه‌كانی “كه‌ریم قوبادی” و “ڕه‌حمان قوبادی” پاش تێپه‌ڕبوونی ٤٦ ڕۆژ به‌سه‌ر كاتی ده‌ستبه‌سه‌ركرانیان، به ناڕوونی ماوه‌ته‌وه.
به‌پێی زانیارییه‌كان، ڕۆژی ٢٥ی خه‌رمانانی ١٤٠٢، هێزه ئه‌منیه‌تیه‌كانی ڕژیم هێرشیان كرده سه‌ر ماڵی “كه‌ریم و ڕه‌حمان قوبادی” له گوندی “ده‌ره‌تفێ”ی سه‌ر به شاری مه‌ریوان و ئه‌و هاووڵاتیه‌یان ده‌ستبه‌سه‌ر و بۆ شوێنێكی نادیار گواسته‌وه. جێگای ئاماژه‌یه كه پاش ٤٦ ڕۆژ، به‌دواداچوونی بنه‌ماڵه‌ی ئه‌و دوو به‌ندكراوه ئاكامێكی نه‌بووه و نیگه‌رانی دۆخی ته‌ندرووستی ڕۆڵه‌كانیانن.