به‌پێی ڕاپۆرتی ناوه‌نده‌كانی مافی مرۆڤ، چاره‌نووسی “مایسا(فاتمه) ئه‌كبه‌ری” ته‌مه‌ن ٢٢ ساڵ كه له مه‌راسمی چله‌ی ماته‌مینی “ئارمیتا گه‌راوه‌ند” له‌لایه‌ن هێزه ئه‌منیه‌كانه‌وه ده‌ستبه‌سه‌ر كرابوو، به ناڕوونی ماوه‌ته‌وه.
به‌وته‌ی بنه‌ماڵه‌ی مایسا ئه‌كبه‌ری، ناوبراو له ماوه‌ی به‌ندكرانی دا ته‌نیا په‌یوه‌ندییه‌كی كورتی ته‌له‌فوونی له‌گه‌ڵ بنه‌ماڵه‌كه‌یدا هه‌بووه و ڕایاگه‌یاندووه كه له به‌ندی تاكه‌كه‌سی گرتووخانه‌ی ئیتلاعات دا ڕاگیراوه. مه‌راسمی چله‌ی ماته‌مینی “ئارمیتا گه‌راوه‌ند” ڕۆژی ١٥ی سه‌رماوه‌زی ١٤٠٢، له كه‌ش و هه‌وایه‌كی ئه‌منیه‌تی به‌ڕێوه‌چوو و چه‌ند كه‌س له به‌شداربووان له‌لایه‌ن هێزه سه‌ركوتگه‌ره‌كانه‌وه ده‌ستبه‌سه‌ر كران