دووای تیپه‌ربوونی دوو حه‌فته به‌سه‌ر كاتی ده‌ستبه‌سه‌ركردنی “ئازاد ئه‌مینی” له‌لایه‌ن هێزه ئه‌منیه‌تیه‌كانی سه‌قز، تا به ئێستا چاره‌نووسی ئه‌و به‌ندكراوه به ناڕوونی ماوه‌ته‌وه.
به‌پێی ڕاپۆرته‌كان، “ئازاد ئەمینی”، ئەندامی ئەنجوومەنی زانستی “هیوا” له شاری سەقز، هاوكات له‌گه‌ڵ ساڵڕۆژی شۆڕشی “ژینا” له‌لایه‌ن هێزه‌كانی حكوومه‌ته‌وه ده‌ستبه‌سه‌ر كراوه و به‌دواداچوونی بنه‌ماڵه‌كه‌ی تا به ئه‌مڕۆ بێ ئاكام بووه و هیچ زانیارییه‌ك سه‌باره‌ت به چاره‌نووسی له‌به‌رده‌ست دا نییه.