ڕۆژ هه‌ینی ٤ی مانگی خه‌رمانان، لایه‌نگرانی ڕێخراوی ژینگه‌یی به‌ناوی “له سووته‌مه‌نیه نه‌وتییه‌كانی كه‌ڵك وه‌رنه‌گرن”، له ناڕه‌زایه‌تی به پێدانی مۆڵه‌ت له‌لایه‌ن ده‌وڵه‌ته‌وه به شیركه‌ته‌كانی نه‌وت و گاز، له پۆمپ به‌نزینه‌كاندا كۆبوونه‌وه.
به‌پێی ڕاپۆرته‌كان، لایه‌نگرانی ژینگه و ئه‌ندامانی ڕێكخراوی “له سووته‌مه‌نیه نه‌وتیه‌یكان كه‌ڵك وه‌رنه‌گرن” له به‌ریتانیا، هێرشیان كرده‌سه‌ر پۆمپ به‌نزینه‌كان و كۆبوونه‌وه‌ی ناڕه‌زایه‌تییان به‌ڕێوه‌برد. له هێندێك ناوچه‌ش ناڕازیان پۆمپ به‌نزینه‌كانیان داگیركرد و ڕێگه‌یان نه‌دا هیچ شۆفێرێك سووته‌مه‌نی وه‌ربگرێت. لایه‌نگرانی ئه‌و ڕێكخراوه‌یه سووتاندنی سووته‌مه‌نییه نه‌وتییه‌كان به هۆكاری گه‌رمبوونی كه‌شی زه‌وی و ئاگركه‌وتنه‌وه له جه‌نگه‌ڵ و دارستانه‌كانی جیهان و هه‌روه‌ها وشكه‌ساڵی و مردنی هه‌زاران كه‌س له جیهاندا به‌هۆی برسیه‌تیه‌وه ده‌زانن و داوای ڕاگرتنی سووتاندنی سووته‌مه‌نییه نه‌وتییه‌كان ده‌كه‌ن.