به هۆی به‌رزبوونه‌وه‌ی به‌های سووته‌مه‌نیله ماوه‌ی چه‌ند هه‌فته‌ی ڕابردوودا له چه‌ند وڵاتی ئورووپایی، ژماره‌یه‌كی به‌چاو له كامیۆنداران ده‌ستیان داوه‌ته مانگرتن و ناڕه‌زایه‌تییان ده‌ربڕیوه.
نرخی به‌نزین و گازۆئیل كه له مانگی سێپتامبره‌وه به كه‌متر له ١ یۆرۆ و په‌نجا سێنت گه‌یشتبوو، ئێستا به ڕێژه‌ی له سه‌دا ٣٠ به‌رزبووه‌ته‌وه و ئاستی هه‌ڵاوسانیش به‌و نسیبه‌ته چووه‌ته سه‌ره‌وه به‌ڵام حه‌قده‌سته‌كان هیچ گۆڕانكارییه‌كی به‌سه‌ردا نه‌هاتووه. هه‌ر به‌و هۆیه‌وه له زۆرێك له وڵاتانی ئۆرووپایی له‌وانه ئیسپانیا، له لایه‌ن یه‌كیه‌تی كامیۆندارانی ئه‌و وڵاته‌وه مانگرتنی گشتی ڕاگه‌یه‌ندراوه و له ئێستادا یه‌كێك له گه‌وره‌ترین مانگرتنه‌كانی ئه‌و وڵاته له‌ماوه‌ی چه‌ند ساڵی ڕابروودا به‌ڕێوه ده‌چێت.