به‌پێی هه‌اڵی گه‌یشتوو، كرێكارانی وه‌رزی كۆكردنه‌وه‌ی به‌رهه‌مه كشتووكاڵییه‌كانی كوردستان له ئاست كه‌می حه‌قده‌ست و مه‌زایا ناڕازین و خوازیاری ته‌زمینی ئه‌منیه‌تی پیشه‌یی و مه‌عیشه‌تی بوون.
كرێكارانی وه‌رزی ئه‌و چینه كرێكاره‌ن كه زۆرترین زۆڵمیان لێ ده‌كرێت و له پارێزگاكانی وه‌كوو مازه‌نده‌ران، كوردستان، كرمان، خووزستان، سیستان و به‌لووچستان له وه‌رزی پێگه‌یشتنی به‌رهه‌مه كشتووكاڵییه‌كان سه‌ردانی باخ و زه‌وی كه‌شاوه‌رزی ده‌كه‌ن، بۆ ئه‌وه‌ی داهاتێكیان ده‌ست كه‌وێت. كرێكارانی وه‌رزی له هاوین دا كاریان هه‌یه و له پاییز و زستان دا بێكارن، بیمه‌یان نییه و حه‌قده‌سته‌كانیان زۆر كه‌مه و ساعه‌تی كاریان نادیار. كرێكارانی وه‌رزی خوازیاری ته‌زمینی ئه‌منیه‌تی پیشه‌یی، بیمه‌ی بێكاری، دابینكردنی بیمه‌ی ده‌رمانی و چاكسازی له ژیان و مه‌عه‌یشتیان بوون، به‌ڵام به‌رپرسانی كۆماری ئیسلامی بایه‌خیان پێ ناده‌ن.