به‌پێی هه‌واڵی گه‌یشتوو، ڕۆژی هه‌ینی ٢٩ی به‌فرانبار، كرێكارانی شاره‌داری سنه له‌ئاست دۆخی خراپی مه‌عیشه‌تی ناڕه‌زایه‌تیان ده‌ربڕیوه.
به‌وته‌ی كرێكارانی ناڕازی، ماوه‌ی چه‌ند مانگه حه‌قده‌ستیان وه‌رنه‌گرتووه و له دۆخێكی زۆر خراپدا ده‌ژین. تا به ئه‌مڕۆ چه‌ند جار له ئاست نه‌دانی داخوازییه‌كانیان ناڕه‌زایه‌تیان ده‌ربڕیوه به‌ڵام به‌رپرسانی ڕژیم هیچ بایه‌خێكیان به داواكارییه‌كانیان نه‌داوه. به‌هۆی نه‌دانی حه‌قده‌ست ناچارن پێداویستیه‌كانی ژیان به قه‌رز وه‌ربگرن و چی تر هیچ دووكاندارێك قه‌رزیان پێ نادات، هه‌روه‌ها به‌هۆی نه‌دانی حه‌قی بیمه‌كانیان تووشی كێشه‌ی ده‌رمانی بوون و ناتوانن سه‌ردانی نه‌خۆشخانه بكه‌ن.