ڕۆژی یه‌كشه‌ممه ١٤ی مانگی جۆزه‌ردان، كادری ده‌رمانی نه‌خۆشخانه‌ی ڕه‌زا له كرماشان له ناڕه‌زایه‌تی به بایه‌خ نه‌دانی به‌رپرسانی ڕژیم به دۆخی ته‌ندرووستیان كۆبوونه‌وه.
به‌پێی ڕاپۆرته‌كان، به‌رپرسانی نه‌خۆشخانه‌ی ڕه‌زا له كرماشان سێ حه‌وته له‌وه‌پێش هه‌واڵی به تاڵان بردنی دیواره سۆربیه‌كانی به‌شی ڕادیۆلۆژیان پشتڕاست كرده‌وه. له ماوه‌ی سێ حه‌وته‌ی ڕابردوو كادری ده‌رمانی نه‌خۆشخانه دژبه به‌و مه‌ترسیانه‌ی تیشكی “ئیكس” له‌سه‌ر ته‌ندرووستیان ساز ئه‌كات ناڕه‌زایه‌تیان ده‌ربڕی به‌ڵام، به‌رپرسانی نه‌خۆشخانه هیچ بایه‌خێكیان نه‌داوه و ڕۆژی یه‌كشه‌ممه كادری ئه‌و نه‌خۆشخانه‌یه كۆبوونه‌وه‌ی ناڕه‌زایه‌تیان به‌ڕێوه برد.