کۆمەڵە_رێكخراوی كوردستانی حیزبی كۆمونیستی ئیران
هه‌واڵه‌کانكوردستان

ناڕه‌زایه‌تی دانیشتووانی شاری سنه‌ له‌ ئاست كه‌مته‌رخه‌می شاره‌داری

ناڕه‌زایه‌تی دانیشتووانی شاری سنه‌ له‌ ئاست كه‌مته‌رخه‌می شاره‌داری

به‌ پێی هه‌واڵی گه‌یشتوو، ڕۆژی یه‌كشه‌ممه‌ ١٤ی مانگی خاكه‌لێوه‌، دانیشتووانی شاره‌كه‌ تازه‌ دامه‌زراوه‌كانی سنه‌ به‌ هۆی نه‌بوونی خزمه‌تگۆزاری و جێبه‌جێ نه‌بوونی به‌ڵێنه‌كانی شاره‌داری ناڕه‌زایه‌تییان ده‌ربڕی.

هاووڵاتییانی ناڕازی به‌ تۆڕی میدیایی كۆمه‌ڵه‌یان ڕاگه‌یاند: ده‌یان شاره‌كی نوێ له‌ ده‌ورووبه‌ری شاری سنه‌ سازكراوه‌ و شاره‌داری به‌ بێ هیچ پلانێك له‌ ڕێگه‌ی شركه‌ته‌ په‌یمانكارییه‌كانه‌وه‌ پاره‌ی له‌ خه‌ڵك وه‌رگرتووه‌ و هیچ خزمه‌تگۆزارییه‌كی بۆ دانیشتووانی ئه‌و شاره‌كانه‌ دابین نه‌كردووه‌. به‌ وته‌ی هاووڵاتییان، دانیشتووانی ئه‌و ناوچانه‌ خه‌ڵكی كرێكار و زه‌حمه‌تكێشی هه‌ژارن و سه‌رمایه‌ی ژیانیان بۆ دابین كردنی سه‌رپه‌نایه‌ك بۆ بنه‌ماڵه‌كانیان خه‌رج كردووه‌ به‌ڵام ئێستا له‌ خراپدترین دۆخدا ده‌ژین و شاره‌داری ساڵانه‌ ملیۆنان تمه‌ن باجیان لێ وه‌رده‌گرێت.