ڕۆژی دووشه‌ممه ٧ی جۆزه‌ردان، دانیشتووانی گوندێكی سه‌ر به شاری وان له باكووری كوردستان دژبه هه‌بوونی ئه‌رته‌شی توركیا له‌و گونده ناڕه‌زایه‌تیان ده‌ربڕی.
به‌پێی زانیارییه‌كان، سه‌ربازانی ئه‌رته‌شی توركیا چوونه‌ته نێو گوندی “پیسه”ی سه‌ر به ناوچه‌ی باشكاڵه‌ی وان و ویستوویانه له‌و ئاواییه جێگیر بن، به‌ڵام خه‌ڵك له‌به‌رده‌م هێزه داگیركه‌ره‌كانی توركیا خۆپێشاندانیان كردووه و ڕێگه‌یان نه‌داوه كه‌ره‌سته نیزامییه‌كانیان جێگیر بكه‌ن و ناچار به پاشه‌كشه بوون.