شه‌وی هه‌ینی ٢٩ی مانگی گوڵان، خه‌ڵكی ئازادیخوازی مهاباد و دێولان دژبه ڕژیمی جه‌نایه‌تكاری ئیسلامی ڕژانه سه‌ر شه‌قام و ناڕه‌زایه‌تیان ده‌ربڕی.
به‌پێی ڕاپۆرته‌كان، ژنان و پیاوانی ئازادیخواز له شاره‌كانی مهاباد و دێولان به مه‌به‌ستی ده‌ربڕینی ناڕه‌زایه‌تی له ئاست ئێعدامی “مه‌جید كازمی”، “ساڵح میرهاشمی” و “سه‌عید یه‌عقووبی” له‌لایه‌ن كۆماری ئیسلامیه‌وه ڕژانه سه‌ر شه‌قام و به ئاگردانی لاستیك شه‌قامه‌كانیان داخست و دژبه ڕژیمی سه‌ركوتگه‌ری ئیسلامی دروشمیان به‌رز كرده‌وه.