ڕۆژی شه‌ممه ٧ی مانگی ڕه‌شه‌ممه، كۆمه‌ڵێك له دانیشتووانی شاری كامیاران كه‌له سه‌فی برنجدا بوون ناڕه‌زایه‌تی خۆیان له ئاست گرانی و خراپی باروودۆخی ژیانیان ده‌ربڕی.
به پێی ئه‌و گرته ویدیۆیانه‌ی له تۆڕه كۆمه‌ڵایه‌تییه‌كان بڵاوكراوه‌ته‌وه، خه‌ڵك بۆ وه‌رگرتنی بێ برنجی هیندی سه‌فێكی دوور و درێژیان به‌ستووه و ده‌ڵێن: ڕژیمی كۆماری ئیسلامی ته‌نگی به خه‌ڵكی هه‌ژار هه‌ڵچنیووه و مه‌وادی خۆراكی بێ كواڵێتی به نرخێكی گران به خه‌ڵك ئه‌دات.