به‌پێی هه‌واڵی گه‌یشتوو، ڕۆژی چوارشه‌ممه ٥ی مانگی ڕه‌زبه‌ر، بنه‌ماڵه‌ی قوتابیانی كرماشان له ئاست هه‌ڵسووكه‌وتی به‌ڕێوه‌به‌رانی قوتابخانه‌كان بۆ وه‌رگرتنی به‌ڵێننامه له دایك و باوكی قوتابیان و بردنیان بۆ ڕێپێوانی حكوومه‌تی نیشان دا.
به‌پێی زانیارییه‌كان، ڕۆژی ڕابردوو به‌ڕێوه‌به‌رانی چه‌ند مه‌دره‌سه له كرماشان به‌ڵێننامه‌یان له دایك و باوكی قوتابیان وه‌رگرتووه بۆ ئه‌وه‌ی منداڵه‌كانیان ببه‌ن بۆ كۆبوونه‌وه‌یه‌ك له مزگه‌وتی غه‌دیر به‌ڵام ئه‌ندامانی به‌سیجی ئامووزش و په‌روه‌رش قوتابیانیان بردووه بۆ ڕێپێوانی حكوومه‌تی و ڕێگه‌یان نه‌داوه منداڵه‌كان بگه‌ڕێنه‌وه بۆ ماڵ. له هه‌واڵێكی دیكه‌دا، به‌ڕێوه‌به‌رانی به‌كرێگیراوی ڕژیم له یه‌كێك له مه‌دره‌سه‌كانی ئێران قوتابیانیان ناچار به ماچ كردنی وێنه‌ی خامنه‌یی كردووه و بڵاوبوونه‌وه‌ی ویدیۆی ئه‌و ڕووداوه ناڕه‌زایه‌تی به‌رینی بنه‌ماڵه‌كانی لێ كه‌وتۆته‌وه.