کۆمەڵە_رێكخراوی كوردستانی حیزبی كۆمونیستی ئیران
كوردستان

نادیاری چاره‌نووسی “شه‌عبان محه‌ممه‌دی” ئه‌ندامی كانوونی سینفی مۆعه‌لیمانی مه‌ریوان

به‌ پێی هه‌واڵی گه‌یشتوو، “شه‌عبان محه‌ممه‌دی” ئه‌ندامی كانوونی سینفی مۆعه‌لیمانی مه‌ریوان كه‌ له‌ چه‌ند ڕۆژی ڕابردوودا و به‌ دوای به‌ڕێوه‌چوونی مانگرتنی سه‌رانسه‌ری مۆعه‌لیمانی ئێران له‌ لایه‌ن هێزه‌ ئه‌منییه‌كانه‌ ده‌ستبه‌سه‌ر و ڕاگوێزی شوێنێكی نادیار كراوه‌.

به‌ پێی زانیارییه‌كان، “شه‌عبان محه‌ممه‌دی” ڕۆژی چوارشه‌ممه‌ ١٣ی مانگی ڕێبه‌ندان، له‌ لایه‌ن هێزه‌ ئه‌منییه‌كانه‌وه‌ ڕاگوێزی زیندانی مه‌ریوان كراوه‌ و پاش چه‌ند كاتژمێرێك دووباره‌ له‌وێوه‌ بۆ شوێنێبكی نادیار ڕاگوێزراوه‌. جێی ئاماژه‌یه‌ كه‌ به دوای ده‌ستبه‌سه‌ر كردنی ناوبراو مۆعه‌لیمان و فه‌رهه‌نگیانی شاری مه‌ریوان كۆبوونه‌وه‌یه‌كی به‌ربڵاوی ناڕه‌زایه‌تییان بۆ مه‌حكووم كردنی ده‌ستبه‌سه‌ر كردنی ئه‌و چالاكه‌ مه‌ده‌نییه‌ به‌ڕێوه‌برد و خوازیاری ده‌ستبه‌جی ئازادی “شه‌عبان محه‌ممه‌دی” بوون.