به پێی ڕاپۆرتی ڕێكخراوی مافی مرۆڤی هەنگاو، هاووڵاتییەکی خه‌ڵكی رۆژئاوای کوردستان کە مانگی رابردوو پاش تێکهەڵچوونێکی چەکدارانە لە نێوان هێزەکانی پژاک و هێزەکانی سپای پاسداران لە مەریوان بە دیل گیرابوو، چارەنووسی هەروا ناڕوونە.
بە پێی ئه‌م ڕاپۆرته، پاش تێپەڕبوونی مانگێک لە بەدیلگیرانی ژنێکی خه‌ڵكی ڕۆژئاوای كوردستان بە ناوی “ئاواشین زاگرۆس” لە لایەن هێزەکانی سپای پاسدارانەوە، چارەنووسی ناوبراو هێشتا ناڕوونە. شایانی باسه، نابراو لە کاتی بە دیلگیرانیدا لاقی گوللەی بەرکەوتووە و بریندار بووه. ئاواشین زاگرۆس پاش ده‌ستبه‌سه‌ركرانی لە ژیڕ چاودێریی توندی ئەمنییەتیدا گوازرابۆوە بۆ نەخۆشخانەی “بووعەلی” مەریوان و پاش دەرمانی سەرپێی و گواستنەوەی بۆ شاری سنە، بە هۆی خوێنڕێژی زۆرەوە لە نەخۆشخانەی کەوسەر نەشتەرگەری بۆ کراوە.