به‌پێی هه‌واڵی گه‌یشتوو، ڕۆژی دووشه‌ممه ٩ی ڕێبه‌ندان، شاری دێولان و سنه به ته‌واوی میلیتاریزه كراوه و هێزه‌كانی ڕژیم له شه‌قامه‌كان دا جێگیر كراون، هه‌روه‌ها هێڵی ته‌له‌فوونی زیندانه‌كانی مه‌ریوان و سنه پچڕاون.
پاش له‌سێداره‌دانی “پژمان فاتحی”، “محەممەد فەرامەرزی”، “وەفا ئازەربار” و “موحسن مەزڵووم” له زیندانی قزلحه‌ساری كه‌ره‌ج له به‌یانی دووشه‌ممه، بنه‌ماڵه‌ی هه‌میشه زیندوو “محه‌ممه‌د فه‌رامه‌رزی” ڕاگه‌یاندنێكیان بۆ به‌ڕێوه‌چوونی مه‌راسمی پرسه و سه‌ره‌خۆشی ئه‌و گیانبه‌ختكردووه بڵاو كرده‌وه، به‌ڵام هێزه‌كانی ڕژیم له شه‌قامه‌كانی ئه‌و شاره و سنه جێگیرا كران. له‌لایه‌كی دیكه‌وه ناوه‌نده ئه‌منیه‌تیه‌كان هێڵی ته‌له‌فوونی زیندانه‌كانی مه‌ریوان و سنه‌یان قه‌تع كرد تاكوو به‌ندكراوان نه‌توانن بۆ ماوه‌ی چه‌ند ڕۆژ له‌گه‌ڵ ده‌ره‌وه‌ی زیندان پێوه‌ندی بگرن.