به‌پێی ڕاپۆرته‌كان، گیانی چالاكی كرێكاری و مه‌ده‌نی ناسراوی شاری سنه “ڕه‌فێق سه‌لیمی” له مه‌ترسی جیددی دایه و ئه‌گه‌ری له‌سێداره‌دانی له‌لایه‌ن ده‌زگای قه‌زایی ڕژیمه‌وه له ئارا دایه.
“ڕه‌فێق سه‌لیمی” چالاكی كرێكاری و كه‌سایه‌تی خۆشناوی خه‌ڵكی سنه له ڕێكه‌وتی ٧ی سه‌رماوه‌زی ١٤٠١ی هه‌تاوی له‌لایه‌ن ئیداره‌ی ئیتلاعاته‌وه ده‌ستبه‌سه‌ر و بۆ زیندانی ناوه‌ندی سنه ڕاگوێزرابوو. ناوبراو له‌لایه‌ن ده‌زگای قه‌زایی ڕژیمه‌وه به ناڕه‌وا تۆمه‌تی “ڕێكخستنی گرووپی نایاسایی” و “هه‌وڵدان بۆ تێكدانی ئاسایشی گشتی” خراوه‌ته پاڵ دۆسیه‌كه‌ی و به “افساد فی الارض” مه‌حكووم كراوه. ئه‌و چالاكه كرێكاریه له جه‌له‌سه‌ی دادگایی كردنی ته‌واوی ئه‌و تۆمه‌تانه‌ی ڕه‌ت كردۆته‌وه به‌ڵام ده‌زگای قه‌زایی ڕژیم ده‌یه‌وێت بێ تاوانێك لە درێژەی سیاسەتی سەکوتگەرانە بۆ به‌رژه‌وه‌ندی خۆی له سێداره بدات.