به‌پێی ڕاپۆرتی ناوه‌نده‌كانی مافی مرۆڤ، گیانی “ڕه‌زا ڕه‌سایی” هاووڵاتی ته‌من ٣٤ساڵی خه‌ڵكی سه‌حنه له پارێزگای كرماشان، له مه‌ترسی دایه و ئه‌گه‌ری هه‌یه له داهاتوویه‌كی نزیكدا له‌سێداره بدرێت.
“ڕه‌زا(غوڵامڕه‌زا) ڕه‌سایی” له ڕه‌وتی شۆڕشی ژینا له شاری سه‌حنه به تۆمه‌تی كوشتنی فه‌رمانده‌ی ئیتلاعاتی سپای ئه‌و شاره به ناوی “نادر بایرامی” ده‌ستبه‌سه‌ر و به سه‌ختی ئه‌شكه‌نجه درا. ناوبراو له ماوه‌ی به‌ندكرانی دا ئه‌و تۆمه‌ته‌ی ڕه‌د كردبوو، به‌ڵام گوشاره‌كانی ئیتلاعاتی سپای پاسداران بووه هۆی ده‌ركردنی حوكمی ئێعدام بۆ ئه‌و به‌ندكراوه و ئێستا په‌روه‌نده‌كه‌ی ڕه‌ه‌وانه‌ی دیوانی باڵای وڵات كراوه. ڕه‌زا پیشه‌ی كرێكارییه و ته‌نیا ناناوه‌ری بنه‌ماڵه‌كه‌یه‌تی، له‌و ماوه‌یه‌شدا له‌ده‌ستڕاگه‌یشتن به پارێزه‌ر و چاوپێكه‌وتن له‌گه‌ڵ بنه‌ماڵه‌كه‌ی بێبه‌ش كراوه و گیانی له مه‌ترسی دایه.