مردنی گوماناوی مامۆستایه‌كی زانكۆ له‌ شاری مهاباد

له‌ماوه‌ی ڕۆژانی ڕابردوودا، دكتۆر “ڕه‌زا سازواری” مامۆستانی زانكۆ له‌ ده‌فته‌ری كاركه‌ی له‌ شاری مهاباد به‌شێوه‌یه‌كی گوماناوی كوژرا.

به‌پێی ڕاپۆرته‌كان، هاوژینی “ڕه‌زا سازواری” ڕۆژی پێنجشەممەی ڕابردوو و پاش چەندین کاتژمێر بێ خەبەری، لەگەڵ کچەکەی چوونەتە شوێنی کارەکەی و لەگەڵ تەرمی خوێناوی ناوبراودا ڕووبەڕوو دەبنەوە. به‌وته‌ی پۆلیسی شاری مهاباد، هیچ قفڵێک نەشکێندراوە و بكوژه‌كه‌ كڵێڵی پێ بووه‌ و به‌ ڕاحه‌تی چووه‌ته‌ ژووره‌وه‌. شایانی باسه‌ كه‌ ناوبراو شەهادەی دوکتورای لە به‌شی فارسیی زانکۆی ئازادی تاران هەبووه‌ و پێشتریش خۆی و بنه‌ماڵه‌كه‌ی به تۆمەتی چالاکیی سیاسی، لە درێژه‌دان به‌ پرۆسه‌ی خوێندن لە زانکۆ حکومیەکان بێبەشکرابوون.