ماڵاوایی له‌ ژیانی تێکۆشەرێکی دێرینی کۆمەڵە له‌ ناوچه‌ی ژاوه‌ڕۆ

به‌پێی هه‌واڵی گه‌یشتوو، ڕۆژی شەممە ٢٣ گوڵانی ١٤٠٢ی هەتاوی، کاک “رەشید مورادی” خەڵکی ئاوایی ئاوێهەنگی سەر بە ناوچەی ژاوەرۆی سنه‌ بە هۆی چوونەسەرەوەی تەمەن ماڵاوایی لە ژیان کرد.

کاک “رەشید مورادی” کەسایەتییەکی ناسراو و خۆشناوی ناوچەی ژاوه‌رۆ و هاوڕێیەکی بە وەفا و دڵسۆزی پێشمەرگەکانی کۆمەڵە بوو و  تا کۆتایی ژیانی پشتیوانی چینی زەحمەتکێش و کرێکار و هیوا و ئاواتی گه‌یشتن به‌ ئازادی و به‌رابه‌ری بوو. یادی به‌رز و به‌ڕێز بێت.