بە داخەوە کاک “پۆڵا نانەوازادەگان هونەرمەند شۆڕشگێری خه‌ڵكی مهاباد، ڕۆژی یەکەشەمە ٢٥ی فێوریەی ٢٠٢٤ بەرابەر بە ٦ی ڕەشەمەی ١٤٠٢، دوای ماوەیەک نەخۆشی دڵە گەورەکەی لە لێدان کەوت و بۆ هه‌میشه ماڵئاوایی له ژیان كرد.
کاک پۆڵا ڕۆخسارێکی ناسراوی نێو خەڵکی مەهاباد و دۆستان و کۆڕ و کۆمەڵی کولتووری، ئەدەبی و سیاسی کوردستان بوو. ئینسانێکی سەر و زمان خۆش، لێو بە خەنده، ئەهلی شێعر و ئەدەب، نیگاركێش و بە زەوق بوو. بیر و باوەڕی سیاسی هیچ کات ڕێگر لە ئاوەڵە بوون و دۆستایەتی لەگەڵ هەموو بیره جیاوازه‌كان نەبوو. هەر بۆیە لە نێو دڵی هەموو ئینسانێک دا جێگای کردبۆوه. تێکۆشەرێکی دڵسۆز بۆ ڕزگاری کوردستان بوو و شێعرە زۆڵاله‌كانی بە دەنگی پڕ هەست و سۆزی خۆی دەخوێندەوه. به بۆنه‌ی كۆچی دوایی كاك پۆڵا خه‌م و په‌ژاره‌ی خۆمان ده‌رده‌بڕین و سه‌رخۆشی له هاوژین، جگرگۆشه‌كانی، كه‌س و كاری و هه‌موو دۆستانی ئازیزی ده‌كه‌ین، یادی ئازیزی به‌رز و به‌رێز بێت.