کۆمەڵە_رێكخراوی كوردستانی حیزبی كۆمونیستی ئیران
هه‌واڵه‌کانكوردستان

ماڵئاوایی له‌ ژیانی “میرزا ئیبراهیم محه‌ممه‌دی ” یاری دێرینی كۆمه‌ڵه‌ له‌ شاری سنه‌

میرزا ئیبراهیم محه‌ممه‌دی ناسراو به‌ “میرزا ئیبراهیم ددانساز”، برای هاورێ گیانبه‌خت كردووی ریزی پیشمه‌رگه‌كانی كۆمه‌ڵه‌، هاورێ “محه‌ممه‌د محه‌ممه‌دی” ناسراو به‌ “حه‌مه‌ نگڵی”، له‌ یارانی دێرینی كۆمه‌ڵه‌ و خه‌ڵكی ئاوایی “نگڵ”، ڕۆژی ٢٥ی جۆزه‌ردان له‌ ته‌مه‌نی ٧١ ساڵی دا به‌ هۆی جه‌ڵته‌ی دڵه‌وه‌ ماڵئاوایی له‌ ژیان كرد.

میرزا ئیبراهیم ل ساڵی ١٣٢٩ی هه‌تاوی له‌ ئاوایی “نگڵ” له‌ دایك بوو. ناوبراو له‌ سه‌ره‌تای ده‌ستپێكردنی شۆڕشی جه‌ماوه‌ری دژی ڕژیمی شا و ئاشكرا بوونی كۆمه‌ڵه‌، په‌یوه‌ندی له‌گه‌ڵ كۆمه‌ڵه‌ گرت و ساڵانێكی زۆر له‌ ته‌شكلاتی نهێنی له‌ سه‌ر ڕێبازی كۆمه‌ڵه‌ خه‌باتی كرد. میرزا ئیبراهیم كه‌ مۆعه‌لیم و ده‌بیری ناوچه‌ی كه‌ڵاته‌رزان بوو، دوای ئاشكرابوونی چالاكیه‌كانی له‌ لایه‌ن هێزه‌كانی ڕژیمه‌وه‌ له‌ ساڵی ٦٦ی هه‌تاوی ده‌ستبه‌سه‌ر كرا. ناوبراو ماوه‌ی ٨ مانگ به‌ توندترین و دڕندانه‌ترین شێوه‌ له‌ لایه‌ن ئیتلاعاتی ڕژیمه‌وه‌ ئه‌شكه‌نجه‌ درا و نه‌یانتوانی نهێنیه‌كانی به‌ده‌ست بێنن. دوای ٨ مانگ میرزا ئیبراهیم به‌ دوورخستنه‌وه‌ له‌ كار و قه‌ده‌غه‌ی چالاكی مه‌حكووم كرا و له‌ ئامووزش و په‌روه‌رش ده‌ركرا. میرزا ئیبراهیم پاشان بۆ بژیوی ژیانی فێری ددانسازیی بوو. له‌و ماوه‌یه‌ش دا هه‌موو ژیانی بۆ خزمه‌ت به‌ خه‌ڵكی ناوچه‌كانی كه‌ڵاته‌رزان، ژاوه‌رۆ و كۆماسی ته‌رخان كرد. ڕۆژی ڕابردوو ته‌رمی میرزا ئیبراهیم ددانساز، له‌ ناو ئاپۆره‌ی جه‌ماوه‌ری دا له‌ گۆرستانی به‌هه‌شتی محه‌ممه‌دی له‌ شاری سنه‌، ئه‌سپه‌رده‌ كرا.

بابەتی پەیوەندیدار

درێژه‌ی ناڕه‌زایه‌تییه‌كان له‌ ڕۆژهه‌ڵاتی كوردستان

komalah

ڕاپۆرتێك له‌سه‌ر ناڕه‌زایه‌تییه‌كان له‌ شاره‌كانی دیكه‌ی ئێران

komalah

پشتیوانی كوردانی باكووری كوردستان له‌ ناڕه‌زایه‌تی گه‌لانی ئێران

komalah

كۆبوونه‌وه‌ی خه‌ڵك و لایه‌نه‌ سیاسیه‌كان له‌به‌رده‌م ده‌فته‌ری نه‌توه‌یه‌كگرتووه‌كان له‌ هه‌ولێر

komalah

پشتیوانی “سه‌لاحه‌دین” دمیرتاش له‌ خه‌ڵكی ناڕازی ئێران

komalah

ده‌ستبه‌سه‌ركرانی ١٠ كه‌سی دیگه‌ له‌ شاره‌كانی ئێران

komalah