“فاتمه حه‌یده‌ری” خۆشكی “جه‌واد حه‌یده‌ری” گیانبه‌ختكردووی ڕێگای ئازادی، ڕۆژی سێشه‌ممه ٤ی ڕه‌زبه‌ر ڕایگه‌یاند: برایه‌كی به ناوی “مورته‌زا حه‌یده‌ری” كه حه‌فته‌ی ڕابردوو ده‌ستبه‌سه‌ر كرابوو، ماوه‌ی پێنج ڕۆژه مانی له خواردن گرتووه و گیانی له مه‌ترسی دایه.
به‌وته‌ی “فاتمه حه‌یدره‌ی” خۆشكی هه‌میشه زیندوو “جه‌واد حه‌یده‌ری”، مورته‌زا نه‌خۆشی شه‌كره و ئیلتیهابی گه‌ده‌ی هه‌یه و مانگرتن له خواردن گیانی خستۆته مه‌ترسیه‌وه. ناوبراو ئێستا له به‌ندی تاكه‌كه‌سی ڕاگیراوه و له ده‌ستڕاگه‌یشتن به پارێزه‌ر و چاوپێكه‌وتن له‌گه‌ڵ بنه‌ماڵه‌گه‌ی بێبه‌ش كراوه.