به‌پێی ڕاپۆرتی كانوونی مافی مرۆڤی ئێران، به‌ندكراوانی به‌ندی ئه‌منیه‌تی زیندانی ورمێ، له ناڕه‌زایه‌تی به دۆخی خراپ و نائینسانی زیندان مانیان له خواردن گرتووه.
به‌پێی ڕاپۆرته‌كان، به‌ندكراوانی زیندانی ورمێ له دوو به‌ندی ٣٠ متری ڕاگیراون كه هیچ ئیمكاناتێكی ڕیفاهی تێدا نییه و ژماره‌ی به‌ندكراوان له زه‌رفیه‌تی به‌نده‌كه زۆرتره. به‌ندكراوانی به‌ندی ئه‌منیه‌تی زیندانی ورمێ پاش بایه‌خ نه‌دانی به‌رپرسانی زیندان به داواكارییه‌كانیان، له ڕۆژی ١٢ی خه‌رمانانه‌وه ده‌ستیان داوه‌ته مانگرتن و دۆخی ته‌ندرووستیان ناجێگیره. شایانی باسه كه به‌ندكراوانی زیندانی ورمێ پێشتر چه‌ند نامه‌یان بۆ به‌ڕێوه‌به‌رایه‌تی زیندانه‌كانی ئێران و ناوه‌نده ئه‌منیه‌تیه‌كان ناردبوو، به‌ڵام كه‌وتنه به‌ر هێرشی گاردی ئه‌منیه‌تی زیندان چه‌ند كه‌سیان بریندار كران.