“عادڵ موکەڕەم” به‌ندكراوی سیاسیی له زیندانی ورمێ، پاش جێبەجێ نەکردنی داواکارییەکانی لە لایەن بەرپرسانی ئەو زیندانەوە، ڕۆژی سێشەممە ٢٢ی ڕەزبەر، سه‌رله نوێی ده‌ستی دایه مانگرتن له خواردن.
ڕاپۆرته‌كان باس له‌وه ده‌كه‌ن كه پاش جێبەجێ نەکردنی داواکارییەکەی و پێڕانەگەیشتن بە په‌روه‌نده‌ی ناوبراو لە لایەن بەرپرسانی زیندانەوە، ئەو زیندانییە سیاسییە بۆ جاری دووەم مانی لە خواردن گرت. شایانی باسه، “عادڵ موكه‌ڕه‌م” ڕایگەیاندووە هەتا کاتێك كه خواسته‌كانی جێبەجێ نه‌كرێ درێژە بە مانگرتنەکەی دەدات. جێگه‌ی ئاماژه‌یه، ناوبراو ڕۆژی یەکشەممە ١٣ی ڕەزبەر، بە نیشانەی ده‌ربڕینی ناڕەزایەتیی بە نادیاربوونی چارەنووسی لە زیندان، بە دوورینه‌وه‌ی لێوەکانی مانی له‌خواردن گرتبوو و دواتر ڕەوانەی ژووری تاکەکەسیی زیندانی ورمێ کرابوو.