ڕۆژی چوارشه‌ممه ٩ی مانگی خه‌رمانان، كۆمه‌ڵێك له په‌نابه‌رانی كورد له كه‌مپه‌كانی یۆنان، له ناڕه‌زایه‌تی به دیپۆرتكرانه‌وه‌یان بۆ توركیا مانیان له‌خواردن گرت.
ژمارەیەکی زۆر لە پەنابەرانی کورد لە کەمپی “ئاماك دالیزیا”ی شاری “ئاتن” که لە نێویاندا ژن، منداڵ و تەنانەت کورپەی دوو مانگە و ژنانی دووگیانیش بوونیان هەیە، له ناڕه‌زایه‌تی به دیپۆرتكرانه‌وه‌یان، مانیان له خواردن گرتووه و داوای هاوكاری له ناوه‌نده‌كانی مافی مرۆڤ و كۆمه‌ڵگای نێوده‌وڵه‌تی ده‌كه‌ن