كرێكارانی هۆتێل “لاله‌ی بیستوون”ی كرماشان كه ژێر مه‌جمووعه‌ی شیركه‌تی گه‌شه پێدانی كه‌رتی گه‌شتیارییه، ڕۆژی یه‌كشه‌ممه ٢٧ی ڕه‌زبه‌ر، له ناڕه‌زایه‌تیی به په‌رداخت نه‌كردنی بڕی ٩ مانگ حه‌قده‌ست و ١٤ مانگ حه‌قی بیمه‌كانیان، ده‌ستیان له‌كار كێشایه‌وه و مانیان گرت.
به‌وته‌ی كرێكارانی ناڕازیی، مۆتاڵباته‌كانیان له‌حاڵێكدا دواخراوه كه ئه‌م هۆتێله سه‌ره‌ڕای بارودۆخی ناله‌باری بێهداشتی كۆرۆنا له كۆمه‌ڵگا، هیچ كێشه‌یه‌كیان له پێوه‌ند له‌گه‌ڵ نه‌بوونی موسافیر نه‌بووه و له سه‌ره‌تای ئه‌مساڵه‌وه هه‌تا ئێستا، زیاتر له یه‌ك میلیارد و ٨٣٤ ملیۆن تمه‌ن، خزمه‌تگوزارییان ڕاده‌ست كردووه. كرێكارانی ناڕازیی هه‌روه‌ها له ڕێگه‌ی بڵاوكردنه‌وه‌ی ڕاگه‌یاندنێكه‌وه ئاماژه‌یان به‌وه كردووه كه تا كاتێك كه سه‌رجه‌م حه‌قده‌ست و مه‌زایا‌كانیان په‌رداخت نه‌كرێت، ده‌ست له كۆبوونه‌وه و ده‌ربڕینی ناڕه‌زایه‌تیی هه‌ڵناگرن.