كرێكارانی شاغڵ له كارخانه‌ی ماشینسازی ته‌ورێز ڕۆژی چوارشه‌ممه ٩ی ڕه‌شه‌مه، له ناڕه‌زایه‌تی به دۆخی خراپی پیشه‌یی و مه‌عیشه‌تی دستیان له‌كار كێشایه‌وه و مانیان گرت.
كرێكارانی ناڕازی ماشینسازی ته‌ورێز خوازیار پێدانی حه‌قده‌سته دواخراوه‌كانیان، ته‌زمینی ئه‌منیه‌تی پیشه‌یی، زیادكردنی حه‌قده‌ست به‌پێی هێڵی هه‌ژاری، به‌كرده‌وه‌ده‌رهاتنی گه‌ڵاڵه‌ی ڕیزبه‌ندی پیشه‌كان، دابینكردنی بیمه‌ی ده‌رمانی و گۆڕانی قه‌رارداده‌كانیان بوون. جێگای ئاماژه‌یه كه به‌ڕێوه‌به‌رانی كارخانه‌ی ماشینسازی ته‌ورێز له ترسی كۆبوونه‌وه‌ی كرێكاران، ڕۆژانی چوارشه‌ممه و پێنجشه‌ممه‌یان ڕۆژی پشوودان ڕاگه‌یاندبوو.