ڕۆژی چوارشه‌ممه ١ی مانگی سه‌رماوه‌ز، كرێكارانی شیركه‌تی به‌ردی ئاسنی شارستانی “بافق”ی سه‌ر به ئۆستانی یه‌زد، له ناڕه‌زایه‌تی به وه‌دینه‌هاتنی خواسته‌كانیان ده‌ستیان له كار كێشایه‌وه و مانیان گرت.
كرێكارانی به‌شداربووی ئه‌و مانگرتنه ناڕه‌زایه‌تی خۆیان له ئاست بریاره‌كانی سندووقی خانه‌نشنینی فوولاد ده‌ربڕی و له به‌رانبه‌ر درگای چوونه‌ژووره‌وه‌ی مه‌عده‌نی “چۆغارت” كۆبوونه‌وه. به‌شداربووان خوازیاری هه‌ڵوه‌شاندنه‌وه‌ی بڕیاره‌كانی ئه‌و سندووقه بوون.