كرێكارانی شیركه‌تی به‌رهه‌مهێنانی كه‌ره‌سته‌ی یه‌ده‌كی ئۆتۆمبێلی “سایپا ئازه‌ربایجان” ڕۆژی چوارشه‌ممه ٣٠ خاكه‌لێوه دژبه كه‌می ئاستی حه‌قده‌ست و مه‌زایا ده‌ستیان له‌كار كێشایه‌وه و مانیان گرت.
به‌پێی ڕاپۆرته‌كان، شیركه‌تی سایپای ئازه‌ربایجان له دوو شیركه‌تی تێكه‌ڵكراو به‌ناوه‌كانی “سانع” و “سه‌نعه‌تی نه‌ساجی” پێكهاتووه و له شاری ته‌ورێز هه‌ڵكه‌وتووه. به‌وته‌ی كرێكاران، خاوه‌نكار له ڕێگه‌ی چه‌وسانه‌وه‌ی هێزی كاره‌وه سه‌روه‌تێكی زۆری بۆ خۆی كۆكردۆته‌وه و تا ئێستا چه‌ندین جار دژبه كه‌می حه‌قده‌ست و مه‌زایا ناڕه‌زایه‌تیان ده‌ربڕیوه به‌ڵام هیچ وڵامێكیان وه‌ر نه‌گرتووه. كرێكارانی ناڕازی ده‌ڵێن: ئه‌مجاره تا داخوازییه‌كانمان جێبه‌جێ نه‌كرێت ناگه‌ڕینه‌وه سه‌ر كاره‌كانمان.