ڕۆژی پێنجشه‌ممه ١٧ی ڕه‌شه‌مه، كرێكارانی شاغڵ له كارخانه‌ی سایپا ئازین له ناڕه‌زایه‌تی به نه‌دانی داخوازییه‌كانیان ده‌ستیان له‌كار كێشا و مانیان گرت.
به‌وته‌ی كرێكارانی ناڕازی، له ساڵی تازه نزیك بوونه‌ته‌وه به‌ڵام هێشتا حه‌قده‌ست و مه‌زایا دواخراوه‌كانیان په‌رداخت نه‌كراوه. كرێكارانی ئه‌و ناوه‌نده پێشتر له ئاست نه‌دانی داخوازییه‌كانیان ناڕه‌زایه‌تیان ده‌ربڕی و خاوه‌نكار به‌ڵێنی جێبه‌جێكردنی خواسته‌كانی دا، به‌ڵام نه‌ك حه‌قده‌سته‌كانی په‌رداخت نه‌كرد‌ووه، به‌ڵكوو خه‌به‌رێك له جێژنانه و پاداشی كۆتایی ساڵیش نییه.