کرێکارانی شارەداریی “سرێش ئاوا”ی قوروە له ناڕه‌زایه‌تیی به په‌رداخت نه‌كرانی حه‌قده‌ست و مه‌زایاكانیان لە لایەن شارەداریی و وه‌ده‌ینه‌هاتنی بەڵێنییەکانی ئەو ئیدارەیە بەنیسبەت ئەو کیشەیەوە، ده‌ستیان له‌كار كێشاوه‌ته‌وه و مانیان گرتووه.
ئەوە شەشەمین جارە کرێکارانی “سرێش ئاوا” دەست لەکار دەکێشنەوە و مان ده‌گرن. جێگه‌ی ئاماژه‌یه، سەرەتای مانگی گەلاوێژیش، ئه‌م كرێكارانه بەهۆی دواخرانی حه‌قده‌سته‌كانیان مانیان گرتبوو، بەڵام بە دوای به‌ڵێنی به‌رپرسان و دانی بەشێک لە حه‌قده‌سته‌کان کۆتاییان بە مانگرتنەکانیان هێنابوو. شایانی باسه، کرێکارانی شارەداریی “سرێش ئاوا” ڕایانگەیاندووە: چیتر باوەڕیان بە بەڵێنی شارەداریی بۆ په‌رداختی حه‌قده‌سته‌كانیان نەماوە و تا كاتێك كه سه‌رجه‌م حه‌قده‌ست و مه‌زایاكانیان په‌رداخت نه‌كرێ ناچنەوە سەر کارەکانیان.