ڕۆژی پێنجشه‌ممه ٣١ی خاكه‌لێوه، كارمه‌ندانی دادگوسته‌ری ئوستانه‌كانی كوردستان، كرماشان و گیلان دژبه خراپی دۆخی ژیان له‌به‌رده‌م ئه‌و ناوه‌نده قه‌زاییه كۆبوونه‌وه‌ی ناڕه‌زایه‌تیان به‌ڕێوه برد.
به‌پێی ڕاپۆرته‌كان، به‌شداری بووانی ئه‌و كۆبوونه‌وه دژبه بایه‌خ نه‌دانی به‌رپرسانی ڕژیم به كێشه و گرفته‌كانیان ده‌ستیان له‌كار كێشاوه و مانیان گرتووه. كارمه‌ندانی دادگوسته‌ری كرماشان، كوردستان و گیلان خوازیاری پێدانی حه‌قده‌ست و مه‌زایا دواخراوه‌كانیان، چوونه‌سه‌روه‌ی ئاستی حه‌قده‌ست و مه‌زایا و دابینكردنی ئه‌منیه‌تی پیشه‌یی بوون.