کۆمەڵە_رێكخراوی كوردستانی حیزبی كۆمونیستی ئیران
وتاری ڕۆژ

لە ماوەی دە ڕۆژدا ١٠ کۆڵبەری کوردستان بێسەروشوێن و بریندار بوون و گیانیان لەدەست داوە

لە زستان و وەرزی سەرمادا، لە بەفر و بۆراندا کۆڵبەرانی کوردستان لەگەڵ مەترسی و هەڕەشەی زیاتر بەرەوڕوون. مەیدانەکانی مین بە بەفر دادەپۆشرێن، دەرە و هەڵدێرەکان بە ئاسانی شناسایی ناکرێن، سەرمای بەتەزوو و کوێرە ڕێگاکانی داپۆشراو بە بەفر و قورسایی کۆڵەباری چەند کیلۆیی بۆ تازەلاوان، پیران و ژنانی کۆڵبەر دوور لە توانا و تاقەتی مرۆڤە.

بەکرێگیراوانی ڕژیم لە بۆسە دان و بنەماڵەکان نیگەران و گیان لە مشت چاوەڕوانی بەسڵامەت گەڕانەوەی ئازیزان و ناندەرهێنەرانیانن. لە وەرزی زستاندا شایەدی بێسەروشوێن بوون، بریندار بوون و گیان بەختکردنی ژمارەیەکی زیاتر لە کۆڵبەرانی کوردستانین. بەپێی ڕاپۆرتی کەناڵی کۆڵبەرنیووز:

لە ماوەی ١٠ ڕۆژدا ١٠ کۆڵبەر لە سنووری ئۆستانەکانی ئازەربایجان غەربی، کوردستان و کرماشان، بەهۆی تەقینەوەی مین، تەقەی پاسەوانانی سەرسنوور و بەستەڵەک و ڕندووی ناوچە کوێستانییەکان، کوژراون، برینداربوون و بێسەروشوێن بوون. هەروەها بەپێی ڕاپۆرتی ڕۆژنامەی ئێعتماد: سێ کۆڵبەر بەناوەکانی “بارزان میهەنی”، ئەسعەد سەیدانی فەرد” و “بێهلوول سەیدانی فەرد” لە باریکەی سنووریی ئێران و تورکییەدا بێسەروشوێن بوون و هەواڵێک لە چارەنووسیان لەبەرەدەستدا نییە. ناوچەیەک کە ئەم سێ کۆڵبەرە تێیدا بێسەروشوێن بوون هەمان ناوچەیەکە کە لە ساڵی ١٣٩٩دا تەرمی سەرمابردووی ٥ کۆڵبەری تێدا دۆرزرایەوە.

لە ئامارەکانی ناوەندی ئاماری ئێراندا لەناو ئەو دە ئۆستانەی کە خاوەن زۆرترین ژمارەی بێکارانن، ئۆستانە سنوورییەکان ٦ ئۆستان پێک دێنن. چوار ئۆستانی یەکەمی ئێران بە زۆرترین ڕێژەی بێکارییەوە کوردستان، کرماشان، ئازەربایجانی غەربی و هۆرمۆزگانن کە کوردستان دوو هێندەی ڕێژەی مامناوەندی بێکاریی ئێران جەمعییەتی بێکاری هەیە. لە وەها باروودۆخێکدا ژمارەیەکی زۆر لە خەڵکی ئەم ناوچانە لەڕووی ناچاری و بۆ دابینکردنی لانیکەمی ژیانێکی مەمرە و مەژی، ڕوو دەکەنە ئەم کارە و گیانیان دەخەنە مەترسییەوە و کوێرە ڕێگا سەختەکان و مەیدانەکانی مین و پایەگا و پازگا نیزامییەکان کە هەر کامیان دەربازگەیەکی مەرگ بە ئەژمار دێن بەخۆف و دڵەڕاوکێیەوە وەپشت سەر دەنێن و بارێکی قورس بە هەزار خۆف و هیواوە لەکۆڵ دەدەن تا بەڵکوو بتوانن لەم ڕێگەوە پێداویستیی ژیانی خۆیان و بنەماڵەیان دابین بکەن.

زەمانەتی درێژەدانی هەر ئەم کارە پڕ مەترسییەش لە گرەوی ئەوە دایە کە توانیبێتیان لە هەموو باروودۆخێکدا کۆڵەباری خاوەن بار و بازرگانەکان بە سڵامەت بگەیەننە شوێنی مەبەست. تەنیا لەم حاڵەتە دایە کە لەبری کاری پڕ مەترسی و مەرگباریاندا، حەقدەستێکی یەکجار کەم وەردەگرن. زۆر جار کۆڵبەرانی لە بۆسە کەوتوو ناچار دەبن بۆ دەربازبوون لە چنگ باج وەرگرانی ڕژیم لە پایەگا و شوێنەکانی تێپەڕین، بەشێک لە داهاتی یەکجار کەمی خۆیان بەمەبەستی دەرباز کردنی خۆیان و بارەکانیان بدەنە بەکرێگیراوانی حکوومەت.

ئەگەرچی لەکۆڵدانی باری قورس بۆ ماوەی چەندین کاتژمێر، یەکجار دژوار و هەناسەبڕ و پڕ مەترسییە، بەڵام مەترسیدارتر لە هەمووی تێپەڕین لە مەسیری پایەگاکان و ڕووبەڕوو بوونەوە لەگەڵ هێزە ئینتزامی و بەکرێگیراوەکانی ڕژیمە. ئەمانە کە سەرەکیترین کاریان ئەزیەت و ئازاردانی خەڵک و بەتایبەت کۆڵبەران و باج وەرگرتن و تاڵانکردنی دارایی کاسبکارەکانی سەر سنوورە، زۆر جار بە بێ هیچ بیانوویەک و تەنیا بۆ ئەوەی زەحمەتکێشانی کۆڵبەر ناچار بە ملکەچبوون بکەن و نرخی باجگیرییەکانیان بەرنە سەرێ، کۆڵبەران و کاسبکارانی سەر سنوورەکان دەدەنە بە دەستڕێژی گوللە و دیانکوژن. جەنایەتکارانێک کە بۆ کاری پاسەوانیی سەر سنوور دەستنیشان دەکرێن  و لە مەسیری هاتووچۆی کاروانچییاندا جێگیر دەکرێن، لەو جێگەوە کە دەبێ بەشی زنجیرەی باڵاسەریییەکانیشیان بدەن، لەو ماوەیەدا کە خەریکی ئەم کارەن بۆ ساتێکیش لە باج وەرگرتن لە کاسبکارانی بێبەشی سەرسنوور و تاڵانکردنی داراییەکانیان خافڵ نین.

بوکوژانی کۆڵبەران پێویستە موحاکمە بکرێن، پێویستە بۆ بنەماڵە جەرگ سووتاوەکانیان گشت بیمە و خەساراتی مەرگ و برینداربوونی ئازیزانیان دابین بکرێت و تەقەکردن لە کۆڵبەران و ئازار و ئەزییەتیان کۆتایی پێبێت.

کرانەوەی سنوورەکان و کەڵک وەگرتن لە ئۆتۆمبێل بۆ هەڵگرتنی بار، پێکهێنانی کاری گونجاو و ئەمن دەتوانێ هەزاران کۆڵبەر لە ڕەنج و نائەمنی ڕزگار بکات. دایبنکردنی بیمەی بێکاری بۆ کۆڵبەران تا کاتێک کە کاری گونجاو و ئەمن دەدۆزنەوە دەتوانێ کۆتایی بە کارەساتی کۆڵبەری بێنێت.

دیفاع لە کۆڵبەران و مافی ئینسانییان، دادگایی کردنی بڕیاردەران و بەکردەوە دەرهێنەرانی تەقەکردن لە کۆڵبەران، دابینکردنی خەسارەت و تێچووی دەوا و دەرمانی کۆڵبەرانی بریندار، دیفاعە لە حورمەت و کەرامەتی مرۆڤایەتی و ناڕەزایەتییە دژبە جەنایاتی دەسەڵاتی ئیسلامی لە ناوچە سنوورییەکانی کوردستان.

بابەتی پەیوەندیدار

خەڵک نەتەنیا لەدژی گرانی، بەڵکوو خوازیاری بەدەستهێنانی سەرجەم مافە پێشێلکراوەکانی خۆیانن.

komalah

ساڵهاتی دووهه‌م كاره‌ساتی شیمیاباران به‌سه‌ر كۆمه‌ڵه‌دا

komalah

ڕاگه‌یاندنی حیزبی كۆمۆنیستی ئێران سه‌باره‌ت به‌ په‌یوه‌ست بوونی بزووتنه‌وه‌ی دژ به‌ گرانی و بزووتنه‌وه كۆمه‌ڵایه‌تییه‌كان

komalah

ووته‌یه‌ك به‌بۆنه‌ی ساڵیادى مانگرتنی گشتی جه‌ماوه‌ری خه‌ڵكی كوردستان له‌دژی ئێعدامی فه‌رزادی كه‌مانگه‌ر وهاوبه‌نده‌كانی

komalah

وڵامی کرێکاران بە قسە پڕوپووچەکانی خامەنەیی، ٦٠٠٠ مانگرتن و ناڕەزایەتی لە یەک ساڵدا

komalah

حەوت هەزار وردە فرۆشی مادە هۆشبەرەکان لە ئاستی تاراندا

komalah