به‌یانی ڕۆژی یه‌كشه‌ممه ٢٤ی به‌فرانباری ١٤٠٢، حوكمی ئێعدامی ١٣ به‌ندكراو له‌زیندانی قزلحه‌ساری كه‌ره‌ج جێبه‌جێ كرا.
به‌پێی ڕاپۆرتی هێرانا، ٧ به‌ندكراو به ناوه‌كانی “حامد نه‌زه‌ری”، “ئه‌حمه‌د له‌تیفی”، “محه‌ممه‌د عه‌لی”، “هادی نه‌زه‌ری”، “سه‌یدعه‌لی میری”، “ئه‌كبه‌ر تاج” و “عه‌لی ئه‌كبه‌ر مورادیان” به تۆمه‌تی په‌یوه‌ندیدار به مادده‌ی هۆشبه‌ر له‌سێداره دراون و ناوی ئه‌و شه‌ش به‌ندكراوه‌ی دیكه كه به تۆمه‌تی كوشتنی به ئه‌نقه‌ست ئێعدام كراون ڕوون نه‌كراوه.