ڕۆژی یه‌كشه‌ممه ١٥ی ڕێبه‌ندان، دیوانی دادپه‌روه‌ری ئیداری له شاری تاران حوكمی له‌سه‌ركار ده‌ركردنی “محه‌ممه‌د سه‌عیدی ئه‌بووئێسحاقی” له موعه‌لیمانی دڵسۆزی لوردێگان له پارێزگای چوارمه‌حاڵ و به‌ختیاری پشتڕاست كرده‌وه.
به‌پێی زانیارییه‌كان، “محه‌ممه‌د سه‌عیدی ئه‌بووئێسحاقی” به بیانووه‌كانی دیدار له‌گه‌ڵ بنه‌ماڵه‌ی گیانبه‌ختكردووانی شۆڕشی ژینا، ژه‌نینی مۆسیقا بۆ ڕێزگرتن له یادی گیانبه‌ختكردووان، به‌شداری له كۆبوونه‌وه‌ی موعه‌لیمانی چوارمه‌حاڵ و به‌ختیاری دژبه كۆمه‌ڵكوژكردنی خۆپێشانده‌رانی شۆڕشی ژینا و هه‌روه‌ها ناڕه‌زایه‌تی له ئاست ژاراویكردنی قوتابیانی كچ له‌لایه‌ن ناوه‌نده ئه‌منیه‌تیه‌كانه‌وه، له‌سه‌ركار ده‌ركراوه.