كرێكارانی شاره‌درایی مه‌ریوان ڕۆژی سێشه‌ممه ٢٠ی گه‌ڵارێزان، بۆ جارێكی دیكه له‌ئاست په‌رداخت نه‌كرانی حه‌قده‌ست و مه‌زایاكانیان، ده‌ستیاندایه كۆبوونه‌وه.
به پێی ئه‌م ڕاپۆرته، كرێكارانی ناڕازیی وێڕای ده‌ربڕینی ئێعتڕاز به په‌رداخت نه‌كرانی حه‌قده‌سته‌كانیان، ڕایانگه‌یاندووه: له ماوه‌ی هه‌شت مانگی ڕابردوودا ته‌نیا ٨ ملیۆن تمه‌نیان پێ دراوه و حه‌قده‌سته‌كانیان به ته‌واوی په‌رداخت نه‌كراوه. ده‌شڵێن، هێشتا حه‌قی زێده‌كارییه‌كانی ساڵی ڕابردوویان پێ نه‌دراوه و ئه‌مه له‌حاڵێكدایه كه هه‌ندێ مه‌زایای ساڵی ڕابردووشیان هه‌روا ماوه‌ته‌وه كه په‌رداخت نه‌كراوه. كرێكارانی ناڕازیی ڕایانگه‌یاندووه: نزیكه‌ی ٤٠٠ كرێكار له به‌شه جۆراوجۆره‌كانی شاره‌داریی مه‌ریوان كار ده‌كه‌ن كه هه‌موویان حه‌قده‌ست و مه‌زایای دواخرویان هه‌ی كه په‌رداخت نه‌كراوه.