كۆبوونه‌وه‌ی ناڕه‌زایه‌تیی كرێكارانی فه‌زای سه‌وزی ناوچه‌ی ٢٠ی تاران

دوانیوه‌ڕۆی ڕۆژی شه‌ممه‌ ٢٧ی مانگی گوڵان، كۆمه‌ڵێك له‌ كرێكارانی فه‌زای سه‌وزی شاره‌داریی ناوچه‌ی ٢٠ی تاران، له‌ ناڕه‌زایه‌تیی به‌ په‌رداخت نه‌كرانی حه‌قده‌سته‌كانیان، نه‌بوونی ئه‌منییه‌تی كاری و هه‌روه‌ها ئیدامه‌كاری به‌ بێ دابین كردنی ئیمكاناتی بێهداشتی، ده‌ستیاندایه‌ كۆبوونه‌وه‌.

ناڕازییان له‌مباره‌وه‌ ڕایانگه‌یاندووه‌: نزیكه‌ی ٦٠ كرێكاری به‌شی فه‌زای سه‌وزی ناحییه‌ی سێ ناوچه‌ی ٢٠ی شاره‌داریی تاران كه‌ هه‌ركامیان پێشینه‌ی زیاتر له‌ ١٥ ساڵ كاریان هه‌یه‌، سه‌ره‌ڕای نه‌درانی حه‌قده‌سته‌كانیان، جێژنانه‌ و سه‌نه‌واتی پاره‌كه‌شیان پێنه‌دراوه‌. ده‌شڵێن: حه‌قده‌سته‌كانیان به‌ شێوه‌ی حقووقی پایه‌ په‌رداخت ده‌كرێ و ئه‌ویش سه‌روه‌خت پێیان نادرێ. هاوكات ئاماژه‌یان به‌وه‌ كردووه‌ كه‌ به‌دوای بڵاوبوونه‌وه‌ی ویرووسی كۆرۆنا، به‌رپرسانی شاره‌داری ئیمكاناتی بێهداشتی وه‌ك، ماسك و ده‌ستكێشیان پێ نه‌داون و ئه‌مه‌ له‌ حاڵێكدایه‌ كه‌ به‌دوای ته‌عتیلاتی نه‌ورۆزی، به‌رده‌وام له‌ به‌شی فه‌زای سه‌وز درێژه‌ی به‌ كاره‌كه‌یان ده‌ده‌ن.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *