به پێی ڕاپۆرته‌كان، ژماره‌یه‌ك له كرێكارانی شیركه‌تی “ئاسفالتی ماكادام شه‌رق” له ناڕه‌زایه‌تیی به په‌رداخت نه‌كردنی حه‌قده‌سته‌كانیان له به‌رامبه‌ر نوسینگه‌ی ئه‌م شیركه‌ته له شاری پاكده‌شت كۆبوونه‌وه.
به وته‌ی كرێكاران، ٤٠٠ كه‌س له كرێكارانی ئه‌م شیركه‌ته له ماوه‌ی ٩ مانگی ڕابردووه‌وه هیچ حه‌قده‌ستێكییان وه‌ر نه‌گرتووه. هه‌روه‌ها ده‌شڵێن، به‌دواداچوونه‌كانیشیان به مه‌به‌ستی ده‌ست پێڕاگه‌یشتن به خواسته‌كانیان تا ئێستا بێ ئاكام ماوه‌ته‌وه و هیچ كاربه‌ده‌ستێك وڵامده‌ره‌وه‌یان نه‌بووه.